វិធីងាយៗទាំង៥ដើម្បីពង្រឹងប្រព័ន្ធភាពស៊ាំរបស់អ្នក

5 Ways To Boost Your Immune System 01 01 01

ទំលាប់នៃការរស់នៅប្រចាំថ្ងៃរបស់អ្នកអាចជួយអោយប្រព័ន្ធភាពស៊ាំរបស់អ្នករឹងមុាំដើម្បីប្រយុទ្ធ ប្រឆាំងនឹងការចម្លងរោគ ឬជំងឺផ្សេងៗ។ ទាំងនេះគឺជាវិធីទាំង ៥ យ៉ាងដើម្បីធានាថាប្រព័ន្ធភាពស៊ាំរបស់អ្នកមានគ្រប់តម្រូវការចាំបាច់​ ដែលអាចជម្រុញប្រព័ន្ធភាពស៊ាំរបស់អ្នកអោយដំណើរការកាន់តែមានប្រសិទ្ធិភាព។

របបអាហារដែលមានសុខភាពល្អ

ដូចគ្នានឹងអ្វីៗភាគច្រើននៅក្នុងខ្លួនដែរ របបអាហារដែលមានសុខភាពល្អគឺជា គន្លឹះនៃប្រព័ន្ធភាពស៊ាំខ្លាំង។ នេះមានន័យថាត្រូវប្រាកដថា អ្នកញ៉ាំ បន្លែផ្លែឈើ គ្រាប់ធញ្ញជាតិ ប្រូតេអុីនគ្មានខ្លាញ់ និងខ្លាញ់ល្អ។ បន្ថែមពីលើការផ្តល់នូវប្រព័ន្ធភាពស៊ាំរបស់អ្នកនូវថាមពលដែលត្រូវការ របបអាហារដែលមានសុខភាពល្អអាចជួយធានាថាអ្នកទទួលបានបរិមាណសារធាតុចិញ្ចឹមគ្រប់គ្រាន់ដែលដើរតួនាទីក្នុងការថែរក្សាប្រព័ន្ធភាពស៊ាំរបស់អ្នករួមមាន៖

Vitamin B6 មាននៅក្នុងសាច់មាន់ត្រីសាម៉ុង ត្រីធូណា ចេក បន្លែបៃតង និងដំឡូង (ជាមួយស្បែក)

Vitamin C ដែលត្រូវបានគេរកឃើញនៅក្នុងផ្លែក្រូចរួមមាន ផ្លែក្រូច និងផ្លែស្ត្របឺរី ក៏ដូចជាប៉េងប៉ោះ ផ្កាខាត់ណាខៀវ និងស្ពៃខ្មៅ

Vitamin E ដែលមាននៅក្នុងប្រេងអាល់ម៉ុន ប្រេងផ្កាឈូករ័ត្ន និងប្រេងសណ្តែក គ្រាប់ផ្កាឈូករ័ត្នប៊ឺ សណ្តែកដី និងបន្លែខៀវ
វិធីល្អបំផុតដើម្បីទ្រទ្រង់ប្រព័ន្ធភាពស៊ាំរបស់អ្នកគឺញ៉ាំរបបអាហារដែលមានតុល្យភាពល្អ។

ធ្វើលំហាត់ប្រាណ

ការធ្វើលំហាត់ប្រាណទៀងទាត់គឺជាមូលដ្ឋានគ្រឹះមួយនៃការរស់នៅប្រកបដោយសុខភាពល្អ។ វាធ្វើអោយប្រសើរឡើងនូវសុខភាពសរសៃឈាមបេះដូង សម្ពាធឈាមទាប ជួយគ្រប់គ្រងទំងន់រាងកាយ និងការពារពីជំងឺផ្សេងៗ។ ប៉ុន្តែតើវាអាចជួយបង្កើនប្រសិទ្ធិភាពប្រព័ន្ធភាពស៊ាំរបស់អ្នកនិងធ្វើឱ្យវាមានសុខភាពល្អដែរឬទេ? ដូចរបបអាហារដែលមានសុខភាពល្អដែរ ការធ្វើលំហាត់ប្រាណអាចជួយដល់សុខភាពទូទៅហើយដូច្នេះធ្វើឱ្យប្រព័ន្ធភាពស៊ាំមានសុខភាពល្អ។

កាត់បន្ថយភាពតានតឹង (ស្ត្រេស)

វាចាំបាច់ណាស់ក្នុងការស្វែងយល់ថាតើស្ត្រេសប៉ះពាល់ដល់សុខភាពរបស់អ្នកយ៉ាងដូចម្តេច - រួមទាំងផលប៉ះពាល់ដែលវាមានទៅលើប្រព័ន្ធភាពស៊ាំរបស់អ្នកផងដែរ។ ជាការឆ្លើយតបទៅនឹងស្ត្រេសនេះ វាធ្វើអោយប្រព័ន្ធភាពស៊ាំរបស់អ្នកថយចុះ - និងបង្កើនឳកាសក្នុងការចម្លងរោគ ឬជំងឺផ្សេងៗ។ ស្ត្រេសគឺមានភាពខុសគ្នាសម្រាប់មនុស្សម្នាក់ៗហើយវិធីដែលយើងដោះស្រាយជាមួយវាក៏ខុសគ្នាដែរ។ ហើយទោះបីជាយ៉ាងណាក៏ដោយការដង្ហើមរែងៗ ការធ្វើសមាធិន ឬលំហាត់ប្រាណគឺជា សកម្មភាពដែលជួយអ្នកកាត់បន្ថយស្ត្រេសផងដែរ។

ទទួលទានគ្រឿងស្រវឹងក្នុងកម្រិតសមល្មម

ការប្រើប្រាស់គ្រឿងស្រវឹងអាចធ្វើអោយប្រព័ន្ធភាពស៊ាំចុះខ្សោយដោយបំផ្លាញរបាំងការពាររបស់វា។ តាមរយៈការទទួលទានគ្រឿងស្រវឹងតិចតួចអាចជួយធ្វើឱ្យប្រសើរឡើងនូវរចនាសម្ព័ន្ធនៃប្រព័ន្ធភាពស៊ាំរបស់អ្នក។

កុំជក់បារី / ឈប់ជក់បារី 

វាមិនមែនជាព័ត៌មានថ្មីនោះទេដែលថាសារធាតុគ្រោះថ្នាក់ជាច្រើនត្រូវបានបញ្ចេញដោយផ្សែងបារី។ គ្រាន់តែសារធាតុកាបូនម៉ូណូអុកស៊ីត នីកូទីន អាសូតអុកស៊ីត និងផ្សេងៗទៀត។ ជាតិពុលទាំងអស់នេះអាចជះឥទ្ធិពលអវិជ្ជមានដល់ការលូតលាស់ក៏ដូចជាទៅលើមុខងានៃកោសិកាប្រព័ន្ធភាពស៊ាំរបស់អ្នកផងដែរ។ ប្រសិនបើអ្នកជាអ្នកជក់បារី សូមពិចារណាបញ្ឃប់ដើម្បីពង្រឹងប្រព័ន្ធភាពស៊ាំរបស់អ្នកនិងពង្រឹងសុខភាពរបស់អ្នក។

* រាល់មាតិកាដែលបានផ្សព្វផ្សាយគឺសម្រាប់គោលបំណងចែករំលែកព័ត៌មានទូទៅតែប៉ុណ្ណោះ ហើយមិនគួរត្រូវបានបកស្រាយថាជាដំបូន្មានវេជ្ជសាស្រ្តឡើយ។