ឈ្វេងយល់អំពីវីរុសជំងឺរលាកខួរក្បាលប្រភេទJE

Mosquito

វីរុសរលាកស្រោមខួរក្បាលប្រភេទ JE គឺជាបុព្វហេតុសំខាន់បំផុតនៃជំងឺរលាកខួរក្បាលដែលបង្កឡើងដោយវីរុសនៅក្នុងតំបន់អាស៊ី។ វាបង្កឡើងដោយវីរុសពពួក​Flavivirus ដែលមានសត្វមូសជាភ្នាក់ងារចម្លង វាមានហ្សែនដូចគ្នានឹងវីរុសបង្កជំងឺគ្រុនឈាម គ្រុនលឿង West Nile ។ ករណីដំបូងនៃជំងឺរលាកស្រោមខួរប្រភេទ JE ត្រូវបានចងក្រងជាឯកសារនៅឆ្នាំ ១៨៧១ នៅប្រទេសជប៉ុន។

ជំងឺរលាកស្រោមខួរប្រភេទ JE មានផលប៉ះពាល់ជាចម្បងចំពោះកុមារ។ មនុស្សពេញវ័យភាគច្រើននៅក្នុងប្រទេសដែលឆ្លងរាលដាលនៃជំងឺនេះមានភាពសាំុបន្ទាប់ពីធ្លាប់ឆ្លងមេរោគនេះពីកុមារភាព ប៉ុន្តែមនុស្សគ្រប់វ័យអាចរងផលប៉ះពាល់។

សញ្ញានិងរោគសញ្ញា
  • តិចជាង 1% នៃមនុស្សដែលឆ្លងវីរុសរលាកខួរក្បាលប្រភេទ JE វិវត្តទៅជារោគសញ្ញា។
  • ចំពោះអ្នកដែលមានរោគសញ្ញា រយៈពេលដែលវិវត្តន៍ (ពេលវេលាពីការឆ្លង រហូតដល់ឈឺ) ជាធម្មតាគឺពី ៥-១៥ ថ្ងៃ។
  • រោគសញ្ញាដំបូងច្រើនតែមានគ្រុនក្តៅ ឈឺក្បាល និងក្អួត។
  • ការផ្លាស់ប្តូរស្ថានភាពផ្លូវចិត្ត រោគសញ្ញាប្រព័ន្ធប្រសាទ អស់កម្លាំង និង វិបត្តិការធ្វើចលនាអាចនឹងវិវឌ្ឍន៍ក្នុងរយៈពេលពីរបីថ្ងៃបន្ទាប់។
  • ការប្រកាច់កើតមានឡើងជាញឹកញាប់ ជាពិសេសក្នុងចំណោមកុមារ។
ការការពារ

ដើម្បីកាត់បន្ថយហានិភ័យសម្រាប់ជំងឺ JE អ្នកធ្វើដំណើរទាំងអស់ទៅតំបន់ដែលមានជម្ងឺលាកខួរក្បាលប្រភេទជប៉ុន (JE)គួរតែប្រុងប្រយ័ត្នដើម្បីចៀសវាងមូសខាំ។

  • ស្លៀកសម្លៀកបំពាក់ដែលមានពណ៌ភ្លឺ (ដូចជាពណ៌ត្នោតខ្ចីពណ៌ ប្រផេះស្រាល) ។ បើអាចធ្វើបានសូមស្លៀកសម្លៀកបំពាក់អាវនិងខោវែង។
  • ប្រសិនបើអាចទៅរួច សូមត្រាំជាមុន ឬបាញ់សម្លៀកបំពាក់ផ្នែកខាងក្រៅនិង ជាមួយ នឹងថ្នាំសំលាប់សត្វល្អិត permethrin។
  • លាបឡេការពារកម្តៅថ្ងៃជាមុន បន្ទាប់មកលាបថ្នាំបំបាត់សត្វល្អិត (ប្រហែលជា ២០ នាទីក្រោយមក) ។
  • ប្រើថ្នាំលាបបំបាត់សត្វល្អិតដែលមានផ្ទុកសារធាតុ DEET ២០% -៣០% ឬ ២០% Picaridin លើស្បែក។ លាបឡើងវិញតាមការណែនាំរបស់អ្នកផលិត។
  • កម្ចាត់ប្រភពទឹកដក់នៅជុំវិញលំនៅដ្ឋាន និងត្រូវប្រាកដថា ទ្វារនិងបង្អួចដំណើរការបានត្រឹមត្រូវ។

* រាល់មាតិកាដែលបានផ្សព្វផ្សាយគឺសម្រាប់គោលបំណងចែករំលែកព័ត៌មានទូទៅតែប៉ុណ្ណោះ ហើយមិនគួរត្រូវបានបកស្រាយថាជាដំបូន្មានវេជ្ជសាស្រ្តឡើយ។