ទាំងមនុស្សធំ និងកុមារអាចជួបប្រទះនឹងជំងឺផ្សេងៗនៅរដូវវស្សា ដោយសារការកើនខ្ពស់ពីភ្នាក់ងារចម្លងមេរោគនិងលក្ខខណ្ឌមិនមានអនាម័យដោយសារបរិយាកាសសើមនៅរដូវវស្សា។ វាជាហេតុផលដែលថានេះជាពេលវេលាដ៏ល្អបំផុតដើម្បីចាត់វិធានការ៖ "ការពារប្រសើរជាងព្យាបាល"។
តើជំងឺអ្វីខ្លះដែលតែងតែកើតមានឡើងនៅក្នុងរដូវភ្លៀង?
- គ្រុនផ្តាសាយ (ផ្តាសាយទូទៅ និងគ្រុនផ្តាសាយធំ)
- ជំងឺរលាកថ្លើមប្រភេទ A
- គ្រុនឈាម
- ជំងឺគ្រុនចាញ់
- គ្រុនក្តៅបង្កដោយវីរុស
- ជំងឺគ្រុនឈីក
- ជំងឺរលាកក្រពះពោះវៀន
- ការឆ្លងមេរោគពីអាហារ
- ការឆ្លងមេរោគពីទឹក
វិធានការបង្ការក្នុងរដូវវស្សា
- វិធានការការពារដ៏សំខាន់បំផុតមួយប្រឆាំងនឹងជំងឺដែលឆ្លងតាមទឹកដូចជា គ្រុនពោះវៀន ជម្ងឺខាន់លឿង រលាកក្រពះពោះវៀន និងរាគ គឺការទទួលទានទឹកស្អាត។ យកល្អគួរតែទទួលទានទឹកឆ្អិន ឬទឹកសុទ្ធជាមួយម៉ាស៊ីនបន្សុទ្ធខ្យល់។
- ប្រើកន្សែងដាច់ដោយឡែកដើម្បីការពារការចម្លងមេរោគ។
- ខ្ទប់មាត់ និងច្រមុះពេលក្អក ឬកណ្តាស់។
- ប្រើថ្នាំមូស និងមុងពេញមួយថ្ងៃ ព្រោះមូសខ្លះខាំពេលថ្ងៃ ចំណែកមូសបង្កជំងឺគ្រុនចាញ់ តែងតែខាំនៅពេលយប់។
- រក្សាសម្លៀកបំពាក់របស់អ្នកឱ្យស្ងួត ដូច្នេះអ្នកមិនងាយឆ្លងមេរោគលើស្បែកឡើយ។
- បរិភោគអាហារដែលបានរៀបចំថ្មីៗ និងជៀសវាងការញ៉ាំអាហារនៅខាងក្រៅតាមដែលអាចធ្វើទៅបាន។
- ជៀសវាងការទៅលេងកន្លែងមានមនុស្សច្រើន។
- ប្រើទឹកលាងដៃជាប្រចាំ។
- ការបង្កើនការទទួលទានវីតាមីន C នឹងជួយអ្នកកម្ចាត់មេរោគផ្តាសាយបានលឿន។
- ងូតទឹកបន្ទាប់ពីត្រូវទឺកភ្លៀង - ការងូតទឹកបន្ទាប់ពីអ្នកត្រូវទឺកភ្លៀងនឹងការពារអ្នកពីការឆ្លងមេរោគជាច្រើន។
- ទទួលទានទឹកឱ្យបានច្រើន ជាការល្អ សូមទទួលទានទឹកឱ្យបានច្រើន ហើយកុំរង់ចាំឱ្យស្រេកទឹក ហើយចាំទទួលទានទឹកឱ្យសោះ។ នេះនឹងជួយអ្នកបញ្ចេញជាតិពុលចេញពីរាងកាយរបស់អ្នក។
* រាល់មាតិកាដែលបានផ្សព្វផ្សាយគឺសម្រាប់គោលបំណងចែករំលែកព័ត៌មានទូទៅតែប៉ុណ្ណោះ ហើយមិនគួរត្រូវបានបកស្រាយថាជាដំបូន្មានវេជ្ជសាស្រ្តឡើយ។